AGENDA LIBERTAT

Version òc-fr

Libertat, movement de l’esquèrra revolucionària d’Occitània, constata un còp de mei que la reestructuracion deu site de Ford a Blancafòrt es estat tractada dab desinvoltura dempuish mantuas annadas. Chic a chic, ns’apressam deu barrament totau o au mielhor d’ua reestructuracion drastica deu site industriau de Blancafòrt.

Dejà a la primavèra 2009 e 2010, Libertat publicava comunicats se chepicant deu projècte de represa deu site de Blancafòrt per la societat HZ e deu son principau associat, lo grop industriau Johann Hay.
A l’epòca muishavam lo noste scepticisme a perpaus deu projècte de fabrica de coronas de metau necessàrias a la construccion d’eolianas. Nat estudi preliminar n’estava pas estat hèit. Aqueste projècte sortiva au bon moment entà rassegurar las tribalhadoras e los tribalhadors sus l’aviéner deu site industriau.