AGENDA LIBERTAT

Constatam a l’ora d’ara una remontada del fascisme dins l’estat francés, en Euròpa e dins lo mond en general. Nòstre dever de revolucionaris es doncas de respondre clarament los nazilhons! I a qaucas setmanas en Lion, tres militants antifascistas e libertaris foguèron atacats sus la carrièra per un grop de fascistas. Un d’eles acabèt dins l’espital, grèvament ferit. Confiats, los fascistas triguèron pas gaire temps a i tornar en atacant un squat ambe de coctèls molotov. Los camaradas e companhs lioneses respondèron de la melhor manièra, en organizant una manifestacion antifascista qu’amassèt unas 2.500 personas per’mor de provar que la carrièra es pas dels fascistas.