Crida de manifestar amb Libertat ! Lo 31 de març : Totes a Tolosa

Lo de 31 març de 2012 se tendrà la manifestacion « Anem òc per la lenga occitana » a Tolosa. D'autras manifestacions similaras se tendràn al meteis moment en Bretanha, en Euskadi, en Alsàcia, en Corsega e en Catalonha.

En 2009, a Carcassona èrem prèp de 25000 personas de desfilar per reclamar un dreit per la lenga occitana. Uèi, una manifestacion novèla es prepausada per reclamar un còp de mai aquel dreit a un Estat francés totjorn tan fèrm dins sas posicions jacobinas e centralisatrises.

Se Libertat defend e promòu la lenga e la cultura occitana, nos interrogam sus la manca evidenta de « fons » per aquela manifestacion. Encara una manifescation, per demandar favors a un Estat, qu’es pas prèst de segur de reconéisser l'existéncia del pòble occitan. Encara una manifestacion ont anam desfilar darrièr una chormalha d'elegits e de personalitats politicas, que venon aquí per son fons de comèrci e amassar un pauc mai de voses a la velha de las eleccions. Nos daissam pas enganar per son estratagèma. Refusam de servir sos interèsses. Aquela manifestacion es d’en primièr la d'un pòble, del pòble occitan, de personas que vivon sus aquel territòri e que se’n sentisson.