Populacion : 11 millions de poblans ;
77% urbans
Densitat : 85 pob/km2
Natalitat : 1,5 mainatge / hemna
Capitala : Athènes, 3 millions de poblans (agglo)

Uei, Grècia qu'ei tumada a la cara e au còr per aquera revolucion liberala que s'espandeish a truvers l'Euròpa dens país tocats peu "deute". Estujada au darrer de leis economicas e scientificas, aquera liberalisacion deus servicis publics qu'ageish. Grècia qu'ei lo prumèr país de l'Union Europeana qu'auja dit non a l'austeritat en tot botar lo partit Syriza au poder. La remuda d'aquera eleccion qu'ei ua lutz d'esper ende'us que volhan ua Euròpa auta. Lo sistèmi de santat grec qu'èra hèra trucat per las politicas d'austeritat. Pertant, dens un rappòrt de l'ONU de l'annada 2000, Grècia qu'èra classada com lo 14au sistèmi de santat lo melhorós a truvers le monde. L'Alemanha qu'èra 25au. Uei, hèra son los malauts cobèrts mes shens nat mejan ende pagar consultacions o tractaments. Hèra numerós tanben que son los shens nada cobèrtura santat. Quina estaca los a deishat atau?


  Lo sistèmi de santat grec qu'èra bastit com los deus vesins deu sud de l'Euròpa (Potugal, Espanha, Italia). Que son sistèmi mixtes. A la debuta, qu'èran compausats de mantuas caishas corporativas (200 en Grècia). Ad aqueras s'apecèn en 1983 ua coberta ende'us autes, finançada per l'Estat. Que s'aperava lo Sistèmi Nacionau de Santat. Aquestes sistèmis s'apèran mixtes pr'amor d'un costat las cotisacions se hèn peu privat e cotisacions salarialas (aquò s'apèra lo sistèmi bismarckian : França/Alemanha/Belgica), de l'aute costat ua part qu'ei finançada per taxes, per l'Estat (sistèmi beridge : UK). Dens l'objectiu de l'amelioracion deu sistèmi, mantuas coentas èran puntadas. La principala qu'èra la tròp grana bureucracia per rappòrt a la necessitat deu sistèmi. Las hilèras de las caishas auherivan mantuas vias de suenhs paralèlas shens nada mutualisacion deus mejans. Qu'ei a d’ser qu'un espitau poscosse estar reservat a ua caisha, estar vuèit, quan lo d'a costat reservat a ua auta caisha estosse mei que plen shens servici hèra especialisat. Per exemple, pr'amor d'aqu˜ los servicis de suenhs intensius èran a mancar. En l'an 1997, qu'èra lançat ua reduccion/fusion de las caishas. Ua Brigada d'abaishada de las fraudas qu'èra tanben creada1. En l'an 1998 èra creat ua lista de tractaments remborsats (donc autes n'èran pas mei remborsats). En l'an 2002, la fusion de las caishas se segueish mentre qu'un "equilibratge" qu'ei operat entre las assegurenças obligatòrias, complementàrias e privadas. Los mètges deu sector public qu'avón oficialament lo dret d'estar pagat per ua part privada. en vertat, aquò qu'èra l'acceptacion de la corrupcion, qu'èra lo biaish lo mei aisit ende copar las codas interminablas avant d'estar suenhat.  Lo sistèmi represantava 9,5% deu PIB en l'an 2003, 55% èra finançat peu public, 45% peu privat. Dens aqueste contexte qu'apareishoc la crisi de 2008. Totas aqueras reformas n'èran pas pro e ua redusida de las granas èra demanda au budget de l'estat. En l'an 2010, Grècia dens la dificultat, qu'apèra ajuda. En contre partida d'aquera ajuda, se botèc au devath de la tuta la de la Tròika (BCE/FMI/Commission europeana). S'en segueish l'obligacion de politica d'austeritat e copas dens lo sistèmi sociau grec, maladit per liberaus. La santat qu'avoc a deishar hèra de fòrça, de moneda, d'emplegats e de malauts. L'objectiu qu'èra d'abaishar las despensas de santat au devath de 6% deu PIB. Las despensas s'abaishèn de 40% en 2012, mentre que s'abaishèn de 15/20% en 2011. De 2009 a 2012, las despensas de santat que passèn de 23,2 a 11,2 milliards d'euros. Pendent aquò, de 2009 a 2011, las entradas de l'espitau public montèn de 24%, las de las clinicas s'abaishèn de 30%. Pertant que calè privatisar lo sistèmi. Maugrat tot aquò, l'espitau dens la mei grana devarada devè s'aucupar de mei en mei de monde quan avè de mens en mens de mejans... Pendent que'u sector privat s'aucupava de mens en mens de monde pr'amor de la praubetat. A costat de las diminucions de las despensas publicas, mantuns prètzhèits de suenhs èran augmentats com la non prèsa en carga d'ua part mei en mei grana deus tractaments, deu prètzhèit espitalèr, etc... Que deishava lo camin a la privatisacion de la santat, d'aquera sonque daubuns se la podèn pagar. En l'an 2012 èra creat a la plaça deu Sistèmi Nacionau de Santat, "l'Organisacion Nacionala de Distribucion deus Servicis de Santat". Que vasoc directament deficitaire. Lo ministre d'autcòps que barrèc TOTS los centres de santat e atau jetèc 8000 mètges deu lor trabalh. Deishèc millions de grec shens nat suenh de prumèra linha. Lavetz en 2014 aqueth Organisme èra remplaçat peu "Resau Nacionau de Suenh de Prumèr degrat". Sus aquestes 8000 mètges, sonque 2500 s'en tornèn au public, pr'amor lo salar“ qu'èra un còp de mei abaishat e ara qu'èra interdit de praticar public E privat.  La diminucion de l'auhèrta de suenh publica n'abaisha pas la demanda de la populacion. Nei pas lo vuèit deishat per barraduras de centres qu'an creat un sector privat hòrt e que respon au besonh de la populacion. Aqueste sector privat s'abaisha eth tanben en quantitat e en qualitat3.  Que demora caòs, mes aquò qu'a tornat menhar los grecs a la solidaritat shens esperar arren de t'estat. Atau qu'an creat centre auto-gerit, a grat’s ende tots.  Adara, que son de mei en mei d'exclusit deu sistèmi shens nada cobèrta santat e tanben que son de mei en mei de trabalhaires praubes a pagar aquera cobèrta shens nada possibilitat d'estar suenhat pr'amor d'un sistèmi que'us perpausa pas arren. Qu'ei adara que'u pòble grec qu'a lo poder de préner lo hat e tornar inventar un sistèmi egalitari ende tots.    Aquò muisha coma lo libre-mercat s'auto-regula endeu plan de tots?  De quin costat son los ideologues dogmatics?    1 Landrain E. Rapport d'information sur les réformes de l'assurance maladie en Europe délégation de l'assemblée nationale, enregistré le 15 juin 2004  2 http://www.alternatives-economiques.fr/sante--les-grecs-malades-de-la-crise_fr_art_1108_56074.html  3 Noëlle Burgi,  Grèce. Une réforme de la santé aux effets pervers, ÊP@ges Europe, 15 avril 2014 Ð La Documentation française © DILA http://www.ladocumentationfrancaise.fr/pages-europe/d000721-grece.-une-reforme-de-la-sante-aux-effets-pervers-par-noelle-burgi/article