manifestacion a Camblon
Parents d'escolans se son amassats au davant de l'escòla ende denonçar l'aubertura d'ua classa bilenga en pais albiges.
Las rasons balhadas èran lo communautarisme occitan e la volontat d'ua medisha escòla ende tots on lo francés serà la prioritat.
Au darrèr s'estuja plan lo communautarisme e imperialisme franchimand que n'accepta pas la diversitat suu son territòri.
La medisha escòla ende tots vòu díser, la possibilitat a cadun d'apréner la soa lenga e la soa cultura ende vàser ciutadan de son villatge, de son parçan, de son país.
Denegar la possibilitat a la joenessa occitana d'apréner la soa lenga, qu'ei la promocion d'ua cultura imperialista. Au devath d'un vesaire universaliste s'estuja un ethnocentrisme que ne pòt pas acceptar la diferencia de l'aute. Qu'avem enqüèra un còp l'exemple de la perversion d'idèa universala on se con.hon egalitat/unitat e uniformitat. La lor volontat n'ei pas ua escòla ende tots mes la LOR escòla ende tots. Nosautis, volem l'escòla DE tots.
En mei d'aquò los parents interojats acceptan ua classa bilenga francés-anglés quan afican la volontat de priorisar l'aprentissatge deu francés pr'amor de la dificultat deus còishes a parlar com cau. Enqüèra un còp la diglòssia qu'ei mau estujada au darrèr e cercan mei a justificar un meishant vesaire darrèr posicions "altruistas".  Preheran trucar los petits e s'ajolhar cap aus grans.
Sosten a cada aubèrtura de classa bilenga e volem mei qu'aquò, sengle classa bilenga per caton. Dab objectiu e cada escòla d'Occitania auja lo dret d'aver l'ensanhament dens la lenga mairala, la lenga d'a noste. 
Las estudis que hason las regions Aquitania e mijorn Pirenèus ac pròvan. Las populacions d'aqueras regions vòlen mei de coneishença e mei d'aprentissatge de la lenga de noste*. Aqueth parents ne son pas representatius de la volontat deu país. 
Occitania libre!